मंगळवेढा नगरपरिषद प्रचारात बाळासाहेब ठाकरे शिवसेना पक्षाची मुसंडी

 मंगळवेढा नगरपरिषद प्रचारात  बाळासाहेब ठाकरे शिवसेना पक्षाची मुसंडी 

मुख्य संपादक द्रोणाचार्य कोळी 

 मंगळवेढा  : प्रभाग क्रमांक 9 अ मधून प्रचारामध्ये उद्धव बाळासाहेब ठाकरे शिवसेना पक्षाने चांगलीच मुसंडी मारली आहे. प्रभागाचा सर्वांगीण विकास, रस्ते, गटारी, पथदिवे, शौचालय आदि सोयी सुविधा उत्कृष्ट दर्जाच्या पोहचून पारदर्शक कारभार करण्यावर अधिक भर देत, उमेदवार नंदाताई ज्ञानेश्वर नाईकवाडी यांच्या मशाल या चिन्हा समोरील बटन दाबून विजयी करण्याचे आवाहन त्यांच्या समर्थकांकडून केले जात आहे.

मंगळवेढा नगरपरिषद निवडणुकीच्या अनुषंगाने उद्धव बाळासाहेब ठाकरे शिवसेना पक्ष मोठ्या ताकदीने निवडणुकीत उतरली आहे. इतर राजकीय पक्षांना सामोरे जाण्यासाठी उद्धव बाळासाहेब ठाकरे शिवसेना पक्ष अधुकृत उमेदवार देखील मोठ्या शर्यतीने कामाला लागले आहेत. अधिकृत उमेदवारांना मतदारांकडून देखील मोठा प्रतिसाद मिळत असल्याचे सांगितले जात आहे. यामध्ये मंगळवेढा नगरपरिषद प्रभाग क्रमांक 9 अ मधून नंदाताई ज्ञानेश्वर नाईकवाडी या

उमेदवारांना सर्वाधिक पसंती मिळत असल्याचेही सांगितले जात आहे.

राजकारणाच्या पटलावर विकासाचा मुद्दा घेऊन पुढे चालत असलेल्या प्रचार यंत्रणेमध्ये उद्धव बाळासाहेब ठाकरे शिवसेना पक्ष देखील सक्रिय सहभाग नोंदवत जे आजपर्यंत इतरांना जमले नाही ते आम्ही करून दाखवू, प्रभागातील लोकांना नगरपालिकेच्या सर्व सोयी सुविधा पुरवण्यामध्ये कधीही कमी पडणार नाही. आलेला प्रत्येक निधी पारदर्शकपणे राबवत प्रभागात विकासाचा मॉडेल उभा करू, यासह नगरपालिका कर्मचाऱ्यांना देखील जास्तीत जास्त न्याय मिळवून देण्यासाठी आमचा प्रयत्न राहील. यामध्ये प्रभागातील नागरिकांचे स्वप्न साकार करण्यासाठी राजकारणाच्या पलीकडे जाऊन प्रत्येक नागरिकांना सोबत घेऊन आम्ही विकासाचे धोरण राबवू असा विश्वास उमेदवार नंदाताई ज्ञानेश्वर नाईकवाडी यांनी प्रतिनिधींशी बोलताना व्यक्त केला आहे.