अमोल घायाळ यांची ‘बहुजन पत्रकार संघाच्या लातूर जिल्हा अध्यक्षपदी नियुक्ती

मुख्य संपादक द्रोणाचार्य कोळी

9822041174

लातूर : बहुजन पत्रकार संघ, महाराष्ट्र राज्याच्या वतीने लातूर जिल्ह्यातील अनुभवी, कर्तृत्ववान आणि सामाजिक जाण असलेल्या पत्रकार अमोल गोरख घायाळ यांची लातूर जिल्हा अध्यक्ष म्हणून निवड करण्यात आली आहे. संघटनेचे महाराष्ट्र अध्यक्ष संजय रामराव उदारे यांनी अधिकृत नियुक्तीपत्र प्रदान करत ही घोषणा केली.

मागील दहा वर्षांपासून अमोल घायाळ पत्रकारिता क्षेत्रात अत्यंत सक्रिय असून त्यांनी विविध प्रतिष्ठित वर्तमानपत्रांमध्ये तालुका प्रतिनिधी, जिल्हा प्रतिनिधी, विशेष प्रतिनिधी अशा महत्त्वाच्या जबाबदाऱ्या यशस्वीपणे सांभाळल्या आहेत. त्यांच्या निर्भीड वृत्तांकनामुळे, सामाजिक प्रश्नांवरील भेदक मांडणीमुळे आणि लोकहिताच्या मुद्यांवरील सातत्यपूर्ण लढ्यामुळे ते जिल्ह्यातील पत्रकारांमध्ये अग्रगण्य व्यक्तिमत्त्व म्हणून ओळखले जातात.

याचबरोबर, मागील पाच वर्षांपासून ‘साप्ताहिक पत्रकार संघ, लातूर’चे लातूर शहराध्यक्ष म्हणून त्यांनी संघटनात्मक कार्यात उल्लेखनीय नेतृत्व दाखवले आहे. पत्रकारांच्या हिताचे विविध उपक्रम, संघटनेची बळकटी आणि पत्रकारांच्या समस्यांवरील त्वरित पाठपुरावा यासाठी त्यांचे योगदान विशेष मानले जाते.

पत्रकारितेतील कामाबरोबरच सामाजिक क्षेत्रातही त्यांनी उल्लेखनीय कामगिरी बजावली आहे. विविध पत्रकार संघटनांमधील सहभाग, समाजोपयोगी उपक्रमांचे आयोजन आणि जनजागृती कार्यक्रमांमध्ये अग्रणी भूमिका निभावत त्यांनी समाजमनावर ठसा उमटवला आहे.

जिल्हाध्यक्ष पदाची सूत्रे स्वीकारल्यानंतर अमोल घायाळ यांनी पत्रकार बांधवांसाठी ठोस भूमिका मांडली. पत्रकारांच्या विविध अडचणी सोडवण्यासाठी, पत्रकारांना शासकीय योजनांचा लाभ मिळवून देण्यासाठी, पत्रकार विमा योजना, गृहनिर्माण योजना आणि पत्रकारांच्या मूलभूत सुविधांसाठी विशेष प्रयत्न करणार असल्याचे त्यांनी स्पष्ट केले.

“पत्रकारांच्या सुरक्षेसाठी, हक्कांसाठी आणि न्यायासाठी लढणे हे माझे प्रमुख ध्येय असेल,” असेही त्यांनी यावेळी सांगितले.

त्यांची नियुक्ती १ नोव्हेंबर २०२५ पासून लागू होणार असून कार्यकाळ ३० ऑक्टोबर २०२८ पर्यंत असेल.

बहुजन पत्रकार संघ, महाराष्ट्र राज्याने त्यांच्या नेतृत्वामुळे लातूर जिल्ह्यातील पत्रकार चळवळीला अधिक बळ मिळेल, असा विश्वास व्यक्त केला आहे.